सेयरबजार आज ८.९७ अंकले बढेर २६७१.०७ विन्दुमा पुगेको छ। 

नेपाल स्टक एक्सचेन्जका अनुसार आज २ करोड ७७ लाख कित्ता खरिदबिक्रीमा १२१ अर्ब १० करोडको कारोबार भएको छ। 

बिहीबार १३९ वटा सेयरको मूल्य बढ्दा ११५ वटाको घटेको र ६ वटाको अघिल्लो मूल्यमै कारोबार भएको छ। आज सबैभन्दा बढी मध्यभोटेकोशी जलविद्युत् कम्पनीका लगानीकर्ताले ९.९९ प्रतिशत कमाएका छन्। 

यसबाहेक रसुवागढी हाइड्रो ९.८८, खानीखोला हाइड्रो ७.०२, श्रीनगर एग्रिटेक ६.२९ र सान्जेन जलविद्युत् कम्पनीको ६.१० प्रतिशतले बढेको छ। घटेकामा कालिञ्चोक दर्शन अगाडि छ। कम्पनीको ७.५९ प्रतिशतले मूल्य खस्किएको छ। 

त्यसैगरी रिडी पावर कम्पनी ३.४७ प्रतिशतले घटेको छ। 

कारोबारमा ङादी ग्रुप पावरको ७० करोडको र एसवाई प्यानलको ४३ करोडसहित पहिलो र दोस्रो स्थानमा छन्।