नेपाली बजारमा सोमबार सुनले उच्च मूल्यको रेकर्ड कायम गरेको छ ।

नेपाल सुनचाँदी व्यवसायी महासङ्घकाअनुसार आज छापावाल सुनको मूल्य तोलाको १ लाख ९१ हजार रुपैयाँमा कारोबार भइरहेको छ । जुन अहिलेसम्मकै उच्च हो ।

सुन आइतबार तोलामा १ लाख ८९ हजार ८०० रुपैयाँमा भएको थियो भने आज तोलामा २ हजार २ सय रुपैयाँले बढेको हो । यसअघि गत बिहीबार सुनको मूल्य तोलाको १ लाख ९० हजार ६ सय रुपैयाँमा कारोबार हुँदै उच्च मूल्यको रेकर्ड कायम गरेको थियो ।

यस्तै, आज चाँदीको मूल्य भने स्थिर छ । चाँदी तोलाको १ हजार ९६० रुपैयाँमा कारोबार भइरहेको महासङ्घले जनाएको छ ।