नेपाली बजारमा सोमबार सुन र चाँदी दुवैको मूल्यमा गिरावट आएको छ। नेपाल सुनचाँदी व्यवसायी महासंघका अनुसार साताको दोस्रो दिन आज सुन प्रतितोला एक हजार ३०० रुपैयाँ र चाँदी प्रतितोला ३५ रुपैयाँले घटेको हो।

महासंघले सार्वजनिक गरेको विवरण अनुसार आज सुनको मूल्य दुई लाख ९९ हजार ७०० रुपैयाँ कायम भएको छ। आइतबार (हिजो) सुन प्रतितोला तीन लाख एक हजार रुपैयाँमा कारोबार भएको थियो।

त्यस्तै, चाँदीको मूल्यमा पनि सामान्य गिरावट देखिएको छ। हिजो प्रतितोला पाँच हजार २२५ रुपैयाँमा कारोबार भएको चाँदी आज घटेर पाँच हजार १९० रुपैयाँ कायम भएको छ। अन्तर्राष्ट्रिय बजारमा हुने उतारचढावकै आधारमा महासंघले नेपाली बजारमा दैनिक कारोबार मूल्य तोक्ने गरेको छ।