संघीय मामिला तथा सामान्य प्रशासन मन्त्रालयले पहिलो पटक महिला सचिव पाएको छ । कोशी प्रदेशको प्रमुख सचिव चन्द्रकला पौडेलको सामान्यमा सरुवा गरिएको छ ।

हिजो सोमबार बसेको बैठकले पौडेललाई सामान्यमा तानेर त्यहाँका रविलाल पन्थलाई योजना आयोग लगिएको छ ।

चन्द्रकला सामान्य सचिव भएसँगै सामान्य मन्त्रालयका महत्वपूर्ण महाशाखा महिलामय भएको छ। कर्मचारी महाशाखा प्रमुखमा पार्वती शर्मा छिन् । प्रवक्ताको जिम्मेवारी सहित योजना महाशाखा प्रमुखमा नीता पोखरेल अर्याल छिन् ।

त्यस्तै, प्रशासन सुधार महाशाखा प्रमुखमा सहसचिव मीरा आचार्य छिन् । सचिव सहित तीन सहसचिव महिला भएको दुर्लभ अबसर सामान्य मन्त्रालयले पाएको छ।