अन्ठाउन्न वर्ष पुरा भएर दुई दिनपछि अहिलेका मुख्यसचिव एकनारायण अर्याल घर जाँदैछन्। यदि बैकुण्ठ अर्याललाई भ्रष्ट्राचार मुद्दा नलागेको हुन्थ्यो त एकनारायण घर गएको यतिबेला १८ महिना नाघीसक्या हुन्थ्यो। खप्परमै लेखेर आएपछि उनले त्यसको भुक्तान गरेरै छोडे र मुख्यसचिव मज्जैले चलाए। अर्याल घर गएपछि को मुख्यसचिव हुन्छ ? अहिले त्यसैको चरम चासो छ। 

एकनारायण अर्याल समय सकिनु अघि नै राजीनामा दिने मुडमा पुगेका थिए। तर गुल्मेली गृहमन्त्री ओम अर्याल संग स्याङ्जाली मुख्यसचिव अर्यालको सम्बन्ध झन् मिठो बनेपछि अर्याल राजीनामा नदिने तहमा पुगे। उनले राजीनामा दिएको भए पेन्सनमा मासिक सात हजार सम्म बढ्थ्यो। त्यो पेन्सन बढोत्तरीको लोभ लागेपनि त्यो भन्दा फाइदाजनक कुरा अरु हुने देखेपछि उनलाई राजीनामाको मोह लागेन। त्यतिन्जेलसम्ममा गृहमन्त्री अर्याल र मुख्यसचिव अर्यालले प्रधानमन्त्री सुशीला कार्कीको कान फुक्न भ्याईसकेका थिए। अर्कातिर कार्कीलाई कतैको दबाब सुक्ष्म रुपमा श्रम मन्त्रालयका सचिव कृष्णहरि पुस्करलाई अर्यालपछिको मुख्यसचिव बनाउन दबाब बढ्न थालेको थियो। 

कुनै काण्डमा नमुछिए पनि कर्णका हकमा कार्कीका केही विमति रहेको बुझिएको छ। अनसन डाक्टर गोविन्द केसीलाई अख्तियारको प्रवक्ता छँदा कर्णले पागल घोषणा गरेका थिए। उ बेला लोकमान सिङ्ग कार्की अख्तियार प्रमुख थिए। लोकमानको मान्छेलाई मुख्यसचिव बनाएर अतिरिक्त लाभ लिएको चर्चा चल्ने भयले र वरियता मिचेर मुख्यसचिव बनेको भन्ने विवाद झेल्न नसक्ने पूर्वानुमान गर्दै कार्की कर्णलाई तुरुन्तै मुख्यसचिव बनाउन नसक्ने तहमा पुगिन्। 

एकनारायण अर्यालले मंसीर ९ अगाडी राजीनामा दिए वरिष्ठताका आधारमा योजना आयोगका सचिव गोकर्णमनी दुवाडीलाई मुख्यसचिव नियुक्त गर्नुपर्थ्यो।  यदि वरियता मिच्ने अवस्था भए तिनै पुस्करलाई मुख्यसचिव नियुक्त नगरी कार्कीले धरै नपाउने श्रोतको दाबी छ। ती सबै कुरालाई छल्न अर्यालले राजीनामा नदिने र वरिष्ठ सचिव सुमनराज अर्याललाई मुख्यसचिव बनाउने विषयमा भद्र सहमति भएको श्रोतको जोड छ। 

सुमन पछिको मुख्यसचिव कर्णलाई बनाउने गरि एकनारायणले मेलोमेसो मिलाएका छन्।  एकनारायण दाई दाहिना भएपछी पुस्कर पनि आठमहिना पछि मुख्यसचिव खान हल्काफुल्का रुपमा राजी चाँही भएका छन्। तर रात रहे अग्राख पलाउने डरले उनी अहिल्यै निजामति सेवाको उपल्लो पद मुख्यसचिव हत्याउन लागिरहेकै छन्।

२०३१ सालमा जन्मिएका कर्ण मुख्यसचिवको पुरै कार्यकाल तीन वर्ष सचिव चलाउने योग्यता बोकेर बसेका छन्। सुमन भने आगामी असार २५ गते गर जान्छन। कर्णको सचिवको कार्यकाल आगामी असारको २३ गते सकिन्छ। सुमनलाई कार्यकाल सकिनु भन्दा केही दिन अगाडी राजीनामा गराएर कर्णलाई मुख्यसचिव बनाउन एकनारायणले भद्र सहमति गराएको श्रोतको दाबी छ। यदि त्यस्तो भएमा कर्ण त्यो बेलाको वरिष्ठ सचिव हुनेछन्। वरिष्ठता नमिच्ने शर्तमा कर्णलाई मुख्यसचिव बनाउने मेलोमेसो मिलाईएको छ। 

रक्षा सचिव अर्याल मुख्यसचिव भए त्यसपछि मुख्यसचिवको लाइनमा सचिवहरू किरणराज शर्मा, हरिप्रसाद मैनाली, गोविन्दप्रसाद शर्मा, डिल्लीराम शर्मा र राजकुमार श्रेष्ठ रहनेछन्।

सुमनराज अर्याल २०८३ असार २६ गते अवकाशमा जाँदा प्रमिलादेवी बज्राचार्य शाक्य, मधुसुदन बुर्लाकोटी र कृष्णहरि पुष्कर कर्ण घर गइसकेका हुनेछन्। त्यसपछि सचिवहरू किरणराज शर्मा, हरिप्रसाद मैनाली, गोविन्दप्रसाद शर्मा, डिल्लीराम शर्मा र राजकुमार श्रेष्ठ मुख्यसचिवको प्रतिस्पर्धामा आउनेछन्।

यता, घर गएपछि एकनारायणले कतै भाग पाउने सम्भावना बढेको छ।