नेपाली कांग्रेस सर्लाहीका सहसचिव इन्द्रबहादुर योञ्जनले पार्टी परित्याग गरेका छन्। बिहीबार विज्ञप्ति जारी गर्दै योञ्जनले कांग्रेस छाडेको घोषणा गरेका हुन्। 

योञ्जन तत्कालिन माओवादी केन्द्रबाट सर्लाही १ मा प्रतिनिधिसभा सदस्य र लालबन्दी नगरपालिकामा मेयरको उम्मेदवार पनि बनेका थिए। माओवादीबाट केही पनि हात नलागेपछि कांग्रेसको ओत लागेका उनले कांग्रेस पनि छोडेका हुन्। 

लालबन्दी नगरपालिका ७ निवासी योञ्जनले पार्टीको साधारण सदस्यसमेत नरहने गरी पार्टी परित्याग गरेको जानकारी दिए। उनी रास्वपा बाट चुनाव लड्ने आन्तरिक तयारीमा छन्।