सोसल मिडिया
युनिकोड
अर्थमन्त्री रामेश्वर खनालले आगामी २१ फागुनमा हुने संघीय संसद् निर्वाचनका लागि सरकार आफैंले बजेट व्यवस्थापन गर्ने स्पष्ट पारेका छन्।
नेपाल आर्थिक पत्रकार समाजसँगको भेटमा उनले १ खर्ब १० अर्ब रुपैयाँ बजेट रोकिएको आयोजनाबाट निकाल्न सकिने बताए।
उनका अनुसार खर्च नहुने कार्यक्रम र काम सुरु नभएका आयोजनाबाट बजेट कटौती गरिनेछ। विगतमा तीन तहको निर्वाचनमा २५ अर्ब खर्च भए पनि यसपटक त्यसभन्दा कम खर्च हुने अपेक्षा गरिएको छ। तर, जलेका पालिकाभवन र सुरक्षा व्यवस्थाका कारण खर्च केही बढ्न सक्ने सम्भावना छ।
अर्थ मन्त्रालयले निर्वाचनका लागि बजेट व्यवस्थापन तयारी पूरा गरिसकेको र क्राउड फन्डिङको विकल्प पनि खुला राखिएको मन्त्री खनालले बताए। सरकार पुनर्निर्माण, पीडित परिवारलाई सहायता, र भौतिक क्षतिको मूल्यांकनमा सक्रिय रहेको पनि जानकारी गराए।
