सोसल मिडिया
युनिकोड
प्रतिनिधिसभाको उपसभामुख इन्दिरा रानाविरुद्ध महाअभियोग लगाउन कांग्रेस-एमाले सहमत भएका छन्। त्यसैका लागि
एमालले संसदीय दलको बैठक बोलाएको छ । बैठक आजै बस्नेछ। यस्तै नेपाली कांग्रेसले पनि पदाधिकारी बैठक बोलाएको छ । बैठक सकिएलगत्तै उसले आफ्ना सांसदहरुलाई सिंहदरबार बोलाएको छ ।
सोमबार साँझ प्रधानमन्त्री निवास बालुवाटारमा कांग्रेस र एमालेका नेताहरुबीच उपसभामुखविरुद्ध पद अनुसार आचरण नगरेको भन्दै हटाउने समझदारी जुटेको स्रोतको भनाइ छ ।
बैठकमा प्रधानमन्त्री केपीशर्मा ओली, कांग्रेस उपसभापति पूर्णबहादुर खड्का, गृहमन्त्री रमेश लेखकलगायतका नेताको सहभागिता थियो ।
उपसभामुख रानालाई पदीय आचरणअनुसार काम नगरेको आरोप दुई दलको छ । उपसभामुखलाई हटाएर कांग्रेसले उक्त जिम्मेवारी लिने भएको छ। संवैधानिक परिषदमा उपसभामुख सदस्य हुने भएकाले पनि कांग्रेसले सो पद हत्याउने भएको हो।
उपसभामुख हेरफेरपछि ओलीले केही मन्त्री हेरफेर गर्ने बुझिएको छ।
