प्रधानमन्त्री केपी ओली सरकारका भूमि व्यवस्था, सहकारी तथा गरिबी निवारण मन्त्री बलराम अधिकारी दोहोर्याएर सोही मन्त्रालयको बागडोर सम्हाल्ने गरि भर्ति भएका थिए। कपिलबस्तुका पूर्व शिक्षक अधिकारीलाई एमाले महासचिव शंकर पोखरेलको सिफारिशमा मन्त्री बनाईएको थियो। तर, अब उनले मन्त्रीबाट बिदा हुनुपर्ने भएको छ। उनले मन्त्रीका रुपमा काम गर्न पाउने भनेको अबको साता दश दिन मात्र हो। 

प्रधानमन्त्री ओलीले मन्त्री साउन मसान्त भित्रमै मन्त्री हेरफेर गर्ने योजना बनाएको उनी निकट एक नेताले बताएका छन्। शुक्रबार राति स्वदेश फर्किएपछि ओलीले सो काम तमाम गर्ने बताईएको छ। जसले मन्त्री बनायो उसैले अब सकिएन फिर्ता हुने मनस्थिति बनाउनु भन्ने जनाउ दिएपछि अधिकारी संसद नै नगएर उठौतीमा लागेको मन्त्रालयकै उच्च श्रोत बताउँछ। अधिकारीले मालपोत कार्यालय अन्तर्गतका कर्मचारीलाई यताउता पारिरहेका छन्। जसमा आर्थिक चलखेल हुने गरेको छ। 

अधिकारी सहित एमालेका तीनजना बाहेकका मन्त्री फेरिने संकेत ओलीले दिएका छन्। केहीलाई मन्त्रीको वचन समेत दिईसकेका छन्। पोखराको लिचीबारी काण्डमा समेत जोडिएका अधिकारी ओली सरकारलाई दाग लगाउने मध्येकै एक मन्त्री पनि हुन्।