प्रतिनिधिसभाको शिक्षा, स्वास्थ्य तथा सूचना प्रविधि समितिबाट आज पनि शिक्षा विधेयक पारित हुन सकेन। समितिले आज पारित गर्न तयारी गरे पनि सहमति नजुटेपछि शिक्षा विधेयक पारित नभएको हो।

बिहान ८ बजेदेखि नै समितिमा शिक्षा विधेयकमाथि छलफल  चलेको थियो। तर,सहमति भएन। समितिका सभापति अम्मर बहादुर थापाले भोलि बिहान ८ बजेसम्मका लागि समिति बैठक स्थगित गरेको जानकारी दिए।

सरकार र नेपाल शिक्षक महासंघबीच वैशाख १७ गते असार १५ गतेभित्र शिक्षा विधेयक जारी गर्नुपर्ने सहित ९ बुँदे सहमति भएपछि शिक्षकहरू २९ दिनसम्म चलेको आन्दोलन छाडेर घर फर्किएका थिए। तर,उक्त समयमा शिक्षा विधेयक जारी हुन सकेन।