नेपाली कांग्रेसका नेता डा. शेखर कोइरालाले प्रधानमन्त्री केपी शर्मा ओलीले निजामती कर्मचारी विधेयकमा हट राखेको बताएका छन् । आइतबार तनहुँमा भएको कार्यक्रममा नेता डा. कोइरालाले अरू दलले एकमतले कुलिङ पिरियड लागु गर्नुपर्छ भन्दा पनि प्रधानमन्त्रीको हठ किन ? भन्दै प्रश्न गरे । तनहुँ राष्ट्रपति रामचन्द्र पौडेलको गृहजिल्ला हो।

राज्य व्यवस्था समितिले पास गरेको संसद्मा पठाएको विधेयकलाई प्रधानमन्त्री ओलीको आदेशमा सभामुख देवराज घिमिरेले छलफलमा नल्याएको आरोप कोइरालाको छ । 

‘अरू दलले एकमतले कुलिङ पिरियड लागु गर्नुपर्छ भन्छन् । प्रधानमन्त्रीको हठ किन ? कसको लागि ?’ कोइरालाले प्रश्न गरे , ‘सचिव बनाउने, रिटायर्ड हुने बित्तिकै अख्तियारमा लग्ने, कसैलाई निर्वाचन आयोगमा लैजाने, कसैलाई महालेखामा लग्ने हो भने तिनीहरूले कसको काम गर्लान् ? भनेर हामीले कुलिङ पिरियड राख्न खोजेको हो ।’

अवकाशपछि कुलिङ पिरियड अरू देशमा पनि भएको कोइरालाले बताए । कांग्रेस सरकारमा रहेपनि सत्ता कांग्रेसको पकडमा नभएको बताए ।