आज बसेको न्याय परिषदको बैठकले सर्वोच्च अदालतमा तीन जना न्यायाधीशको नाम सिफारिस गर्ने निर्णय गरेको छ। 

बैठकले वरिष्ठ अधिवक्ता मेघराज पोखरेल, उच्च अदालत जनकपुरका मुख्य न्यायाधीश श्रीकान्त पौडेल, उच्च अदालत दिपायलका मुख्य न्यायाधीश शान्तिसिंह थापाको नाम सिफारिस हो। सर्वोच्चमा चार न्यायाधीश पद खाली भए पनि अहिले तीन जना मात्रै नियुक्तिका लागि सिफारिस भएका छन्। 

प्रधानन्यायाधीश प्रकाशमानसिंह राउतको अध्यक्षमा बसेको न्याय परिषद्को बैठकले यो निर्णय गर्दै उनीहरूको नाम संसदीय सुनुवाइका लागि पठाइसकेको छ। संसदीय सुनुवाइपछि राष्ट्रपतिले न्यायाधीश नियुक्त गर्नेछन्।