नागरिक उन्मुक्ति पार्टीका संरक्षक रेशम चौधरी पक्राउ परेको घटनाबारे गृहमन्त्री रमेश लेखकले आज संसदमा जवाफ दिने भएका छन् ।

नागरिक उन्मुक्तिका सांसदले रेशम पक्राउ घटनाबारे सरकारको धारणा माग गर्दै संसद अवरोध गरेपछि गृहमन्त्रीले उक्त घटनाबारे आज बिहान ११ बजे बस्ने प्रतिनिधिसभामा जवाफ दिने भएका हुन् । रेशम चौधरी यहि बैशाख १७ गते प्रज्ञा भवन परिसरबाट पक्राउ परेका थिए ।

जनमतसँग पार्टी एकता घोषणा गर्न पुगेका चौधरीलाई फर्जी पक्राउ पुर्जीका आधारमा पक्राउ गरिएको थियो । सर्वोच्चले उक्त पक्राउ पुर्जी फर्जी रहेको पत्र काटेपछि रेशम डिल्लीबजार कारागारबाट ५ घण्टापछि रिहा भएका थिए । उक्त घटनाको न्यायिक छानविन हुनुपर्ने तथा प्रधानमन्त्री र गृहमन्त्रीले संसदमा आएर जवाफ दिनुपर्ने नाउपाले माग गर्दै आएको छ ।