रसुवाको भोटेकोशीमा आएको विनाशकारी बाढीपछि उद्धार तथा राहत कार्यका लागि भारतले नेपालमा पाँचौँ खेपको सहायता सामग्री पठाएको छ ।

भारतीय विदेशमन्त्री डा. एस जयशंकरले बुधबार बिहान सामाजिक सञ्जालमार्फत पाँचौँ खेपको राहत सामग्री नेपाल पठाइएको जानकारी दिएका छन् । उनका अनुसार खोज तथा उद्धारका लागि आवश्यक विशेष उपकरणसहित ११ जना उद्धारकर्मी र ५.५ टन अत्यावश्यक औषधि बोकेको विमान नेपालतर्फ प्रस्थान गरेको हो ।

यसअघि भारतले चौथो खेपमा ११ टन राहत सामग्री र प्राविधिक टोलीसहितको सहायता विमान नेपाल पठाएको थियो । उक्त विमान भदौ १४ गते नेपाल आएको थियो । भारतले भोटेकोशी बाढीपछि नेपाललाई निरन्तर राहत तथा उद्धार सामग्री उपलब्ध गराउँदै आएको छ ।