प्रधानमन्त्री बालेन्द्र शाहले सरकारको आगामी आर्थिक वर्षको वार्षिक नीति तथा कार्यक्रममाथि संघीय संसद्मा उठेका प्रश्नहरूको जवाफ दिने भएका छन्।

प्रतिनिधि सभाको बैठकको कार्यसूची अनुसार प्रधानमन्त्रीले उक्त सम्बोधनमाथि सांसदहरूले उठाएका जिज्ञासा र प्रश्नहरूको स्पष्टीकरण दिने तय भएको हो।

यसअघि राष्ट्रपतिले संघीय संसद्को दुवै सदनको संयुक्त बैठकमा प्रस्तुत गरेको नीति तथा कार्यक्रममाथि सदनमा दफावार छलफल जारी रहेको छ।

छलफल सकिएपछि प्रधानमन्त्रीको जवाफ र संशोधनहरूमाथि निर्णयार्थ प्रक्रिया अगाडि बढ्नेछ।

आजको बैठकमा अर्थमन्त्रीले विनियोजन विधेयकका सिद्धान्त र प्राथमिकताहरू प्रस्तुत गर्ने तथा प्रतिनिधि सभा नियमावली मस्यौदा समितिको प्रतिवेदनमाथि छलफल हुने कार्यक्रम समेत रहेको छ।

हिजोको बैठकमा प्रधानमन्त्री बालेन्द्र शाहको खोजी गर्दै विपक्षीहरूले संसद बैठक अवरुद्ध गरेका थिए।