नेपाली कांग्रेसको आधिकारिकता विवादको रिटमा सर्वोच्च अदालत आज सुनुवाइ निरन्तर हुने भएको छ ।

शुक्रबार (वैशाख ३) न्यायाधीशद्वय शारंगा सुवेदी र नृपध्वज निरौलाको संयुक्त इजलासमा सुनुवाइ भएको थियो । सुनुवाइ नसकिएका कारण ‘हेर्दाहैर्दै’मा राखिएको थियो । 

रिट निवेदक कांग्रेसका तत्कालीन सभापति शेरबहादुर देउवा र तत्कालीन कार्यवाहक सभापति पूर्णबहादुर खड्काले विशेष महाधिवेशनबाट निर्वाचित सभापति गगन थापा नेतृत्वलाई आधिकारिता दिने निर्वाचन आयोगको निर्णयविरुद्ध सर्वोच्चमा रिट दिएका थिए ।

यहीबीचमा सर्वोच्चमा मुद्दा विचाराधीन रहेको अवस्थामा १५औँ महाधिवेशनको कार्यतालिका ल्याइएको भन्दै खड्काले पूरक निवेदन समेत दिएका थिए ।

देउवा पक्ष र आयोगको तर्फबाट सरकारी वकिलको बहस सकिएको छ । शुक्रबार रिटमा विपक्षी बनाइएका कांग्रेस सभापति थापा र उपभापति विश्वप्रकाश शर्माका तर्फबाट प्रतिरक्षा हुने छ । रिट निवेदकका कानुन व्यवसायीले जवाफी बहस सकाएपछि सम्भवतः आज नै आदेश आउने सम्भावना छ ।