सोसल मिडिया
युनिकोड
नेपाली कांग्रेस मधेश प्रदेश कार्यसम्पादन समितिको शनिबार बसेको बैठकले आगामी फागुन ६ गते मधेश सभा जनकपुरधाममा आयोजना गर्ने निर्णय गरेको छ।
पार्टीको प्रदेश कार्यालय थापा चोक जनकपुरधाममा बसेको बैठकले जनकपुरधामस्थित तृतीय गाछीमा मधेश सभा आयोजना गर्ने निर्णय गरेको कांग्रेस मधेश प्रदेश प्रचारप्रसार विभाग प्रमुख नितेशकुमार गुप्ताले जानकारी दिए ।
बैठकले सभाको प्रचार–प्रसारको जिम्मेवारी गुप्तालाई तथा मञ्च व्यवस्थापनको जिम्मेवारी योगेन्द्र पञ्जियारलाई प्रदान गर्ने निर्णय गरेको छ।
त्यसैगरी मधेश सभाको समग्र तयारी, व्यवस्थापन तथा संगठनात्मक विषयमा व्यापक छलफल गर्दै सभालाई प्रभावकारी र सफल बनाउन मधेश प्रदेशका सबै ३२ निर्वाचन क्षेत्रबाट लाखौँ सहभागीहरू बोलाउने निर्णय गरिएको छ ।
उक्त सभामा कांग्रेस केन्द्रीय सभापति गगन थापा प्रमुख अतिथिका रूपमा सहभागी हुनेछन् । त्यस्तै, केन्द्रका पदाधिकारीहरूको समेत उपस्थिति रहने प्रचारप्रसार विभाग प्रमुख गुप्ताले बताए ।
कांग्रेसले सातै प्रदेशका मुख्य सहरहरूमा सभा गरी फागुन २१ गते हुने प्रतिनिधि सभा निर्वाचनमा पार्टीको प्रचार प्रसार गर्ने भएको हो ।
