सोसल मिडिया
युनिकोड
नेपाली कांग्रेसका उपसभापति विश्वप्रकाश शर्माले अब मुद्दा, मामिला, कोर्ट, कचहरीमा समय खेर नफाली एकताबद्ध हुन आग्रह गरेका छन् ।
शुक्रबार निर्वाचन आयोगले नेपाली कांग्रेसको विशेष महाधिवेशनले गरेको निर्णय अद्यावधिक गरेसँगै प्रतिक्रिया दिँदै शर्माले यस्तो आग्रह गरेका हुन् । "सबैलाई यो नवीन यात्रामा, महान् यात्रामा एकताबद्ध भइदिनका लागि म अपिल गर्न चाहन्छु," शर्माले भने ।
उनले पार्टी सभापति शेरबहादुर देउवालगायत सबै नेताहरूलाई नवीन यात्रामा एकताबद्ध भएर लाग्न आग्रह गरे । अब मुद्दा, मामिलामा समय खेर फाल्न नहुने शर्माको भनाइ छ ।
"सबैलाई यो महान् अभियानमा मुद्दा, मामिला, आदि, इत्यादी, कोर्ट, कचहरी गरेर समय खेर नफालेर एउटा नवीन यात्रामा जानका लागि सँगसँगै उभिऔँ, सँगसँगै बढौँ । समुन्नत नेपालको लागि बदलिएको कांग्रेस लिएर जाऔँ," शर्माले भने ।
