सोसल मिडिया
युनिकोड
कोष तथा लेखा नियन्त्रक कार्यालयमा कार्यरत अधिकृत प्रमोद मैनाली प्रतिवादी भएको मुद्दामा अदालतले धरौटीमा रिहा गर्न आदेश दिएपछि उच्च अदालत पाटनमा युवतीले आत्महत्याको प्रयास गरेकी छिन् ।
करिब ३० वर्षीया युवतीले बिहीबार आत्महत्याको प्रयास गरेको प्रहरीले स्रोतले बतायो । प्रहरीले उद्धार गरेर उनलाई पाटन अस्पतालमा उपचारका लागि पठाएको थियो ।
अदालत परिसरमै उनले किटनाशक विषादी सेवन गरेकी थिइन् ।
यसअघि काठमाडौं जिल्ला अदालतले धरौटीमा छाड्न आदेश दिएपछि ती युवती पाटन पुगेकी थिइन् । पाटनले पनि धरौटीमा छाड्न आदेश दिएपछि उनले आत्महत्या प्रयास गरेकी हुन् ।
मैनाली र आत्महत्याको प्रयास गरेकी भनिएकी युवती कुनै समय गाढा प्रेम सम्बन्धमा रहेको बताईएको छ ।
