सचिवको पाँच बर्षे कार्यकाल सकेर गोकर्णमणी दुवाडी घर गएपछि रिक्त रहेको सचिवमा वरिष्ठ सहसचिवको नाम सिफारिस भएको छ। सचिव बढुवा सिफारिस समितिले प्रशासन सेवातर्फ रिक्त एक सचिवका लागि वरिष्ठ सहसचिव वैकुण्ठप्रसाद अर्यालको नाम सिफारिस गरेको हो ।

लोक सेवा आयोगका अध्यक्ष माधवप्रसाद रेग्मीको अध्यक्षतामा बसेको बढुवा सिफारिस समितिको बैठकले अर्यालको एकल नाम सिफारिस गरेको हो । अर्याल का.मु. प्रदेश प्रमुख सचिव पदमा मुख्यमन्त्री तथा मन्त्रिपरिषद्को कार्यालय सुदूरपश्चिम प्रदेश, धनगढी, कैलालीमा कार्यरत छन् ।

मुख्यसचिव एकनारायण अर्याल र राष्ट्रिय योजना आयोगका सचिव दुवाडी अनिवार्य अवकाशमा गएसँगै दुई सचिव पद रिक्त भएको थियो । जसमा पहिलो नम्बरमा रहेका तथा कायम मुकायम नै बनाई सुदूर पश्चिम पठाई सकिएका अर्याल स्वतः एकल बढुवा हुनेछन्।  

भोलि सोमबार बस्ने मन्त्रिपरिषद् बैठकले अर्याललाई सचिव बनाउनेछ।