अन्तरिम सरकारले चार थान साचवलाई यताउता पारेको छ । मुख्यसचिवमा सुमनराज अर्याललाई बढुवा गरेकै दिन बसेको क्याविनेटले चार सचिवको सरुवा गरेको हो।

रक्षा सचिवको भूमिकामा रहेका सुमनलाई मुख्यसचिवमा उकालेपछि रिक्त रहेको रक्षा सचिवको जिम्मा केदारनाथ शर्मालाई दिएको छ । शर्मा भूमि व्यवस्था तथा सहकारी मन्त्रालयमा थिए ।

भूमिमा मदन भुजेल पुगेका छन् । भुजेललाई मधेश प्रदेशबाट भूमि भित्र्याईएको हो ।

संघीय मामिला तथा सामान्य प्रशासन मन्त्रालयका सचिव रविलाल पन्थलाई राष्ट्रिय योजना आयोगमा सरुवा गरिएको छ। त्यस्तै, कोशी प्रदेशकी प्रमुख सचिव चन्द्रकला पौडेललाई संघीय मामिला तथा सामान्य प्रशासन मन्त्रालयमा पठाइएको छ।