सोसल मिडिया
युनिकोड
हामी नेपाल नामक संस्थाका संयोजक सुधन गुरुङले 'जेनजी' आन्दोलनको भावनाअनुसार चल्न नसके मार्गप्रशस्त गर्न गृहमन्त्री ओमप्रकाश अर्याललाई सुझाव दिएका छन् ।
बिहीबार (कात्तिक २७) काठमाडौं महानगरले लैनचौरस्थित स्काउटको जग्गामा बनाइएका संरचना भत्काउने क्रममा सोही स्थानमा पुगेका गुरुङले 'जेनजी' आन्दोलनको भावनाअनुसार अघि बढ्न गृहमन्त्रीले खुट्टा कमाइरहेको टिप्पणी गरे । 'जेनजी'को भावनाअनुसार चल्न नसके मार्गप्रशस्त गर्न गृहमन्त्री अर्याललाई उनले सुझाव दिए ।
अहिले 'जेनजी' आन्दोलनको भावनाअनुसार काम गर्ने मन्त्रीहरूको आवश्यकता रहेको गुरुङको भनाइ छ । गृहमन्त्रीबाहेक अन्य मन्त्रीहरूले भने 'जेनजी' आन्दोलनको भावनाअनुसार काम गरिरहेको बताए ।
शिक्षा, स्वास्थलगायत क्षेत्रमा चरम भ्रष्टाचार भएकाले सबै मिलेर भ्रष्टाचारमुक्त देश बनाउनुपर्ने उनको भनाइ छ । सरकारी जग्गा हडपेर बनाएर संरचना हटाएर जनता र राज्यलाई न्याय दिइएको गुरुङको भनाइ छ ।
