ओली सरकारले गरेको काम कारबाही र कांग्रेसका मन्त्रीको कार्यसम्पादनदेखि नाखुस कांग्रेसका दुई भाई महामन्त्रीलाई गृहमन्त्री रमेश लेखकले पाँचतारे होटलमा मीठोमसिनो ख्वाएका छन्। गृहमन्त्रीनिकट स्रोतले भने उक्त छलफललाई ‘डिनर मिटिङ’ भनेको छ ।

होटल मेरियटका चिनी व्यापारी साहु शशिकान्त अग्रवालले गृहमन्त्री लेखकका लागि संयोजन गरिदिएको स्थानमा कांग्रेसका दुई भाई महामन्त्रीलाई लेखकले रात्री भोज दिएका हुन्। बिहिबार रातिको भोजपछि दुई भाई महामन्त्रीलाई कांग्रेस सभापति शेरबहादुर देउवाले आज बिहानै निवासमा डाकेका हुन्। दुई भाई महामन्त्री सहित उपसभापति पूर्णबहादुर खड्का संग देउवाले छलफल गरेका छन्। 

राज्य व्यबस्था समितिका सभापति रामहरि खतिवडा निजामति विधेयकको चिस्यान समयका कारण विवादित छन्।  छानबिन समितिले उनैलाई दोषी करार गरेको छ।  अर्कातीर मन्त्री हेरफेरका विषयमा पनि छलफल भएको छ। जसमा गृहमन्त्री फेर्नु पर्ने दुई महामन्त्रीको रायका बीच पाँचतारेमा मीठोमसिनो कार्यक्रम आयोजना गरिएको हो।  देउवाकै सल्लाहमा लेखकले दुई महामन्त्री भेटेका हुन्। लेखकलाई गृहमन्त्रीमा लम्बिने परियोजना अनुमोदन गर्न भोज र देउवा निवासमा बैठक अघिपछि भएको बुझिएको छ।