गृहमन्त्री सुधन गुरुङले चाडपर्वका नाममा हुने अश्लील तथा विकृत गतिविधि नियन्त्रण गर्न सरकार प्रतिबद्ध रहेको बताएका छन् ।

उनले मौलिक परम्परा र सांस्कृतिक मर्यादामा आँच आउने गरी देउसीभैलो खेल्ने क्रममा हुने अमर्यादित क्रियाकलापलाई कानुनबमोजिम निर्ममतापूर्वक नियन्त्रण गरिने स्पष्ट पारेका छन् ।

‘चाडपर्वको नाममा हुने अश्लील तथा विकृत गतिविधिप्रति गृह मन्त्रालय पूर्ण रूपमा गम्भीर छ। हाम्रो मौलिक परम्परा र सांस्कृतिक मर्यादालाई आँच आउने गरी देउसीभैलो मनाउने क्रममा हुने अमर्यादित क्रियाकलापलाई कानुनबमोजिम निर्ममतापूर्वक नियन्त्रण गरिनेछ,’ उनले भनेका छन् ।

यस्ता गतिविधि देखिए तत्काल प्रहरीको १०० नम्बरमा खबर गर्न पनि उनले सर्वसाधारणलाई आग्रह गरेका छन् । ‘हामी आफ्नो संस्कार जोगाउन प्रतिबद्ध छौँ,’ गुरुङले भनेका छन् ।