भूमि व्यवस्था, सहकारी, संघीय मामिला तथा सामान्य प्रशासन मन्त्रालयको अतिरिक्त समूह (जगेडा)मा १२ जना  सहसचिव थुप्रिएका छन् अवकाशको मुखमा रहेका सहसचिवहरू तुलसीनाथ गौतम, जयकुमार घिमिरे, रूद्रप्रसाद लामिछाने र सुशील ढकाल सहितका एक दर्जन सहसचिव बरण्डामा पुगेका हुन्। बरण्डामा पुगेका मध्येका केही दुई हप्तादेखि पुग नपुग ३ महिनाभित्र अवकाशमा जान लागेका हुन्। 

सहसचिव वेदप्रसाद खरेल, कृष्णबहादुर शाही, शंकरहरि आचार्यको डेढ वर्ष र युगराज पाण्डे यस अघि नै बरण्डामा पुगेका थिए। आठ जना मन्त्रालयको अतिरिक्त समूहमा बराल्लिएकै बेला सरकारले फेरी थप ४ जनालाई जगेडामा खटाएको छ। 

मंगलवार सार्वजनिक भएको सहसचिव सरुवा सूची अनुसारका अन्य ४ सहसचिव जगेडामा पुगेका हुन्। १४ सहसचिवको सरुवा हुँदा ४ जनालाई बरण्डामा धकेलिएको हो।  आठभाईलाई साथ दिन पुगेका चारजनामा गोविन्दप्रसाद अधिकारी, पुष्पराज शाही, भुपेन्द्र थापा र चिरन्जिबी पौडेल छन्। 

केही सयम पहिले अखियार सरुवा गरिएका अधिकारीले त्यहाँ पाईलो नटेक्दै बरण्डामा थन्किनु परेको छ।