रसुवाको भोटेकोशी नदीमा गत बुधबार आएको विनाशकारी बाढीमा परेर हालसम्म ७३४ जनाको मृत्यु भएको पुष्टि भयो भने दुई हजार ४९८ जना अझै सम्पर्कविहीन छन्। 

आइतबार बिहान ९ बजेसम्मको अद्यावधिक विवरण सार्वजनिक गर्दै राष्ट्रिय विपद् जोखिम न्यूनीकरण तथा व्यवस्थापन प्राधिकरणले बाढी प्रभावित क्षेत्रमा खोजी, उद्धार र राहत कार्यलाई तीव्रता दिइएको जनायो। 

प्राधिकरणका अनुसार चितवनमा सबैभन्दा बढी २५९, नवलपरासी (पूर्व) मा १८४ र नवलपरासी (पश्चिम) मा ८२ शव फेला परेका छन् । त्यसैगरी गोरखामा ५८, नुवाकोटमा ५२, धादिङमा ५०, तनहुँमा ३६ र रसुवामा १३ जनाको शव फेला परे। बाढीमा परेर घाइते भएका २४२ जनाको विभिन्न अस्पतालमा उपचाररत र डिस्चार्ज भइरहेको प्राधिकरणले जनायो।