सोसल मिडिया
युनिकोड
अघिल्ला मुख्यसचिव सुमनराज अर्याललाई अन्ठाउन्नेले छोएपछि मुख्यसचिवको स्वाद चाख्न मुख मिठ्याएरै बसेका अर्यालपछिका एक नम्बरी सचिवको यति बेला चित्त कुँडिएको छ ।
प्रधानमन्त्री कार्यालयका सचिव किरणराज शर्मा मन अमिलो पारेर बुढानिलकण्ठ स्थित कोलोनीमा सुस्ताउन थालेका हुन् । जसै मुख्यसचिव अर्याल ५८ वर्ष लागेर निजामती सेवाबाट बाहिरिए शर्माले वरिष्ठ सचिवको हैसियतमा उक्त जिम्मेवारी पाउने आशा गरिरहे । तर, सरकारले उनलाई पन्छाएर भोजपुरे गोविन्द कार्कीलाई मुख्यसचिव बनाएपछि पर्वते किरणको मन अमिलो मात्र भएन चिमोटिनुसम्म चिमोटियो । त्यहि भएर उनले अब नफर्किने गरि अड्डा त्यागेका छन्, तर राजीनामा भने दिएका छैनन् ।
शर्मा अवकाशको दिनसम्म नै बिदा लिएर बसेका छन्। प्रधानमन्त्री कार्यालय स्रोतका अनुसार सचिव शर्मा साउन ३ गतेसम्म बिदामा बसेका छन्। सचिव शर्मा को असार ५ गतेसम्म मात्र जागिर बाँकी छ। २०७८ साउन ४ गते सचिवमा बढुवा भएका सचिव शर्माको साउन ३ गते रातिबाट सचिव ५ वर्षे कार्यकाल पूरा हुँदैछ। अब उनको जागिर एक हप्ता पनि बाँकी छैन।
शर्मा ५८ वर्ष पुग्न भने अझै केही समय बाँकी छ । सचिवको पाँचवर्षे अवधि सकिनु अघि मुख्यसचिव पड्काएर ५८ वर्ष नपुग्दा सम्म मुख्यसचिव चलाउने शर्माको मनचिन्ते योजनामा प्रधानमन्त्री वालेन्द्रले तातोपानी खन्याएपछि शर्मा बुढानिलकण्ठमा चिसो हावा लिइरहेका छन् ।
