सोसल मिडिया
युनिकोड
प्रधानमन्त्री वालेन्द्र शाहको अभिव्यक्तिलाई लिएर विपक्षी दलले विरोध जारी राखेपछि प्रतिनिधि सभाको बैठक स्थगित भएको छ।
सोमबार प्रतिनिधि सभाको बैठक सुरु हुने वितिक्कै विपक्षी दलका सांसदले आफ्नो आसनबाट उठेर विरोध जनाएका थिए। उनीहरूले प्रधानमन्त्री शाहले आफ्नो अभिव्यक्ति सच्याउनुपर्ने माग गरेका छन्।
प्रतिनिधि सभामा सांसदसँगको प्रश्नोत्तर कार्यक्रमका क्रममा प्रधानमन्त्री शाहले नेपालले पनि भारतको जमिन मिचेको अभिव्यक्ति दिएका थिए। त्यसलाई लिएर विपक्षीले विरोध जनाउँदै आएका छन्।
सोमबार पनि बैठक सुरु हुने वितिक्कै विपक्षीले विरोध जनाएपछि सभामुख डोलप्रसाद अर्यालले बोल्न समय दिएका थिए। त्यसका क्रममा विपक्षी दलका सांसदले प्रधानमन्त्री शाहको भनाइ सच्याउनुपर्ने र संसद्को रेकर्डबाट हटाउनुपर्ने माग गरे।
बैठक मंगलबार (जेठ २६)का लागि सारिएको छ । सोमबार बसेको बैठक विपक्षीले अवरोध गरेपछि १५ मिनेटका निम्ति स्थगित गरिएको थियो ।
