पूर्व गृहमन्त्री तथा राष्ट्रिय स्वतन्त्र पार्टी (रास्वपा) का सांसद सुधन गुरुङले आफ्नो सम्पत्तिको विषयमा उठेका प्रश्नहरूको छानबिनका लागि सहजीकरण गर्न आफूले मन्त्री पदबाट राजीनामा दिएको बताएका छन् । 

रास्वपा गोरखाको पहिलो जिल्ला अधिवेशनलाई सम्बोधन गर्दै सांसद गुरुङले सार्वजनिक पदमा रहँदा उठेका सवालहरूको जवाफ दिन आफू पूर्ण रूपमा जिम्मेवार बनेको बताए । 

अधिवेशनलाई सम्बोधन गर्दै उनले भने, 'मैले सार्वजनिक पदमा बसेर काम गरेपछि उठेका प्रश्नहरूको सामना गर्नुपर्छ भनेरै छानबिन समितिसमक्ष बयान दिएको हुँ ।' उनले आफूले क्लियर बयान दिएको र अब फेरि केही दिनमै गृहमन्त्रीको भूमिकामा फर्किने प्रस्ट संकेत पनि दिएका छन्। आफूले पूर्ण रूपमा सफाइ पाउने उनले सुनाए। उनको छानबिन गर्न बनेको समितिले प्रतिवेदन बुझाईसकेको छ। 

आफू निर्दोष सावित हुने र सरकारले पुनः गृह मन्त्रालयको जिम्मेवारी सुम्पिने सम्भावनाप्रति सङ्केत गर्दै गुरुङले एउटा फरक आग्रह समेत राखे । उनले भने, 'यदि समितिबाट सफाइ पाएर सरकारले मलाई पुनः गृहमन्त्री बनायो भने मन्त्रालयमा आएर बधाई दिने र तस्वीर खिच्ने कामको लागि सुरुका दुई महिना कोही पनि नआइदिनुहोला ।'

बुझिए अनुसार उनको यहि हप्ता सपथ हुनेछ। बुधबार या त शुक्रबारसम्ममा उनी पुन गृहमन्त्री बन्दैछन्।