जनरल मेकानिक इन्जिनियर सहसचिव प्रेमकुमार सिंहले दिएको राजीनामा सोमबार बसेको मन्त्रिपरिषद्को बैठकले स्वीकृत गरेको छ । 

भौतिक पूर्वाधार तथा यातायात मन्त्रालय अन्तर्गतको पानीजहाज कार्यालयमा सहसचिवका रूपमा कामकाज गर्दै आएका सिंहले तीन बर्ष अघि नै राजीनामा ठोकेका हुन् । उर्जा मन्त्रालय मातहतको सेवा समूहका सिंहको राजीनामाको प्रस्ताव भौतिक मन्त्रालय हुँदै उर्जा मन्त्रालय मार्फत क्याविनेट पुगेको थियो ।

यातायात व्यवस्था विभागको कामु महानिर्देशक चलाएका सिंह प्राविधिक क्षेत्रका काविल अधिकारी हुन् । यातायातमा जागिरे जीवनको अधिकांश समय विताएका सिंहको २०७६ मा उपसचिव बाट सहसचिवमा बढुवा भएको थियो ।

२०८५ मंसिर २० गतेसम्म जागिर रहेका उनले घरायसी कारणले राजीनामा दिएको तोकादेश सँगको टेलिफोन संवादमा प्रष्ट पारेका छन् ।