राष्ट्रिय परिचयपत्र तथा पञ्जिकरण विभागको वेबसाइट ह्याक भएको छ । उक्त अड्डा गृह मन्त्रालयअन्तर्गतको निकाय हो।  आज बिहानदेखि उक्त कार्यालयको वेबसाइट ह्याक भएको हो। 

वेबसाइट ह्याक सँगै राष्ट्रिय परिचयपत्रका लागि प्रवाह हुने सम्पूर्ण सेवाहरू ठप्प छन् । ह्याकरले वेबसाइटमा ‘नेपाली फर नेपाल’बाट ह्याकर भएको जनाउ दिएको छ, जसमा ‘राष्ट्रिय भविष्यको रक्षा गर्न प्रतिबद्ध अनुसन्धान संस्था’ लेखिएको थियो।  अहिले भने सो साईट भिजिट गर्दा निर्माणाधीन भन्ने आउँछ। 

ह्याकरले २४ घण्टाभित्र नागरिक बचाउ माअभियानका अभियन्ता एवं व्यवसायी दुर्गा प्रसाईंलाई रिहा गर्न माग गरेको छ । उसले विभागको एडमिनमा पहुँच राखेको र सम्पूर्ण डाटामा पहुँच पुर्‍याएको दाबीसहितको सन्देश छोडेको छ । यो भए संगै सरकारी अड्डाका डिजिटलपत्र कति असुरक्षित छन् भन्ने दर्शाउँछ।