ऊर्जा जलस्रोत तथा सिँचाईमन्त्री दीपक खड्काको सक्रियतामा केही महिना पहिले भएको सम्झौता आजदेखि कार्यान्वयनमा आएको छ। आजदेखि बंगलादेशमा विद्युत व्यापार सुरु भएको मन्त्री खड्काले बताएका छन्। 

नेपाल विद्युत प्राधिकरणले आजबाट ५ महिनाका लागि दैनिक ४० मेगावाट विद्युत भारतको ग्रिड प्रयोग गरेर बंगलादेश निर्यात सुरु गरेको छ। ५ महिनाको अवधिमा १४ करोड ६८ लाख ८० हजार युनिट विद्युत बंगलादेश निर्यात हुने बताइएको छ । यसबाट करिब ९४ लाख अमेरिकी डलर (नेपाली एक अर्ब २९ करोड) प्राधिकरणले प्राप्त गर्नेछ । 

भारतको ग्रिड प्रयोग गरेर बंगलादेशमा आजबाट यस वर्ष ५ महिनाको लागि ४० मेगावाट विद्युत निर्यात गरिएको हो । छिमेकी देशहरुमा नेपालको उत्पादन निर्यात गरेर आयत घटाउन सक्ने प्रमुख क्षेत्र भनेको विद्युत भएकाले यो खुसीको खबर भएको मन्त्री खड्काको भनाई छ।