अख्तियार दुरुपयोग अनुसन्धान आयोगको सक्रियता पछिल्ला दिनमा ह्वात्तै बढेको छ। आजै मात्र अख्तियारले एमालेका मधेश प्रदेशका सांसद दीपेन्द्र कुमार ठाकुरविरुद्ध भ्रष्टाचार मुद्दा दायर गरेको छ । 

अस्पताल निर्माणमा अनियमितता गरेको अभियोगमा आयोगले उनीविरुद्ध मंगलबार मुद्दा दायर गरेको हो । धनुषाको औरही नगरपालिकामा अस्पताल निर्माणका क्रममा अनियमितता गरेको अभियोग उनीमाथि छ । नगरपालिकाका कर्मचारीलाई समेत प्रतिवादी बनाएर मुद्दा दायर भएको छ । 

ठाकुर धनुषाको क्षेत्र नम्बर ३(ख)बाट निर्वाचित सांसद हुन्। मुद्दा दायर भएसँगै ठाकुर स्वत निलम्बनमा परेका छन्।