राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) ले ‘देश नेपाली कांग्रेसको वाइवाइ फ्याक्ट्री जस्तै’ चल्नुपर्ने बताएका छन् । नेपाली कांग्रेसका नेता एवं वाइवाइ चाउचाउ उत्पादक कम्पनीका सञ्चालक विनोद चौधरीलाई कटाक्ष गर्दै उनले संसारभर पुग्ने वाइवाइ जस्तै हुनुपर्ने बताए ।

‘हाम्रो देश हेटौँडा सिमेन्ट कारखाना जस्तै भएको छ । मेसिन छ कारखाना छ, खानी छ,’ उनले भने, ‘यो देश नेपाली कांग्रेसको वाइवाइ फ्याक्ट्री, जस्तै देशभर जानुपर्‍यो । रास्वपा त्यसरी उद्योग कलकारखाना चलाउने पार्टी बन्न चाहन्छ ।’

उनले बिजुलीसमेत भण्डारण गर्नुपर्ने बताए । मल कारखाना, डेटा सेन्टरलगायत बनाएर बिजुली उपयोग गर्न सकिने भन्दै उनले सस्तोमा बेच्न नहुने बताए । यस अघि कालो रंगको पहिरनमा देखा पर्ने बालेन आज भने कालो लुगा फ्याँकेर भोटो सहितको सेतो पहिरनमा देखिएका छन्।