निजामती विधेयकमा कुलिङ पिरियड राख्दै नराख्न मुख्यसचिव एकनारायण अर्याल देखि उच्च पदस्थ केही कर्मचारीले लगाएको सामर्थ्यले सिंगो देशकै ध्यान खिच्यो । कुलिङ काण्डको कोपभाजनमा परेर छँदाखाँदाको राज्य व्यवस्था समिति सभापतिबाट रामहरि खतिवडाले चित्त कुँडाएर राजीनामै दिनुपर्यो ।

प्रतिनिधिसभामा खेलोमेलो गरेर घुसाईएको दफालाई राष्ट्रिय सभाको विधायन समितिले हुत्याइदिए पछि मुख्यसचिव सहितका घरजान ठिक्क परेका कर्मचारी एक बर्षे बोनस खान जुर्मुराएर लागिपरेका छन् ।

प्रतिनिधि सभाले विधेयकमा आगामी आर्थिक बर्षमा एक बर्ष र त्यसपछिको आर्थिक बर्षमा एक बर्ष बढाएर आइन्दा कर्मचारीको अवकाश उमेर ६० बर्ष हुने ब्यवस्था गरेको छ ।

उक्त व्यवस्था विधेयक पास भएपछि लगत्तैको आर्थिक बर्षदेखि शुरु हुने स्पष्ट छ । तर, चालु आवमै सो व्यवस्था लागू हुने प्रावधान राखेर एक बर्ष जागिर लम्ब्याउने खेलोमेलो शुरु भएको छ । त्यसो हुदाँ मुख्यसचिव अर्यालले २०८३ मंसीर ९ गतेसम्म ढुक्कैले मुख्यसचिव चलाउछन् ।

सुनिए अनुसार कुलिङ पिरियड संग ऐन लागू हुने मितीको साटफेर गरिदैछ ।

सचिवको पाँचवर्षे कार्यकाल सकेर अस्ती फागुनमै घर जानुपर्ने अर्याल मुख्यसचिव भएपछि रोकिएका थिए । मंसीर ९ गते ५८ बर्ष पुगेपछि स्वत घरजानुपर्ने मौजुदा ऐनलाई आफू अनुकूल बर्ष दिन थपेर मुख्यसचिवको एक बर्षे कूत उठाउने अर्याल चहाना पूरा हुने नहुने टुंगो भने छैन ।