काठमाडौँ महानगरपालिकाका प्रमुख प्रशासकीय अधिकृत सरोज गुरागाईँ आजदेखि सेवा निवृत्त भएका छन् । 

गुरागाईँ करिब दुई वर्ष महानगरको प्रशासकीय नेतृत्वमा रहे । २०८१ भाद्र २७ गतेको नेपाल सरकार (मन्त्रिपरिषद्) को निर्णय अनुसार गुरागाईंले २०८१ असोज ७ गते काठमाडौँ महानगरपालिकामा प्रमुख प्रशासकीय अधिकृतका रुपमा पद वहाली गरेका थिए ।

यसअघि बालेन शाह महानगर प्रमुख हुँदा उनलाई महानगरबाट हटाउन निकै कोशिस गरे पनि सकेनन् । उमेरका कारण आजदेखि उनी अनिवार्य अवकाशमा गएका हुन् ।

विदाइ कार्यक्रममा कार्यवाहक प्रमुख सुनिता डङ्गोल, प्रवक्ता नविन मानन्धर, कार्यपालिका सदस्यहरु, विभागीय प्रमुखहरु, महाशाखा प्रमुखहरु सहभागी थिए ।