सोसल मिडिया
युनिकोड
तीन दिनसम्म राजधानी स्थित मिराकल पार्टी प्यालेसमा चलेको नेपाली कांग्रेस इतरको राष्ट्रिय भेलाको समापन भाषणले धेरैको ध्यान खिच्यो । त्यसरी ध्यान खिच्नुको कारण पार्टीका पूर्व सभापति शेरबहादुर देउवाको हिन्दुत्वको भाषण थियो ।
देउवाले आफू हिन्दु भएको उचालिएरै बताएका थिए । हुन त नेपाली कांग्रेसको चरित्र धर्म निरपेक्षताको बर्को ओड्ने होइन । देउवाको भाषणपछि धेरैले कोर्स करेक्सन हुने लख काट्न थालेका छन् ।
अहिले रुख निर्वाचन भएको र झण्डामा चारवटा तारे भएको कांग्रेस आपसी किचलोमा छ । तर, कुनै किचलोमा नभएको छ तारे भुँइकटर कांग्रेस भने सधै एकै नास एकै रफ्तारमा दिगो विचार प्रवाह गरेर राष्ट्रिय राजनीतिको मान्द्रोमा बिस्कुन लगाईरहेकै छ ।
कांग्रेसका संस्थापक विपी कोइरालाको विचार बोकेर सनातनी विपी पथमा हिड्दै आएका गोविन्द निरौलाले भुँइकटहर चुनाव चिह्न भएको छ तारे कांग्रेस चलाई रहेकै छन् ।
एक दशक भन्दा अधिदेखि संघीयताको खारेजी, धर्मनिरपेक्षताको खारेजी, सनातन धार्मिक राज्यको स्थापना सहितका मुद्दा बोकेर छ तारे कांग्रेस गच्छे अनुसारको आन्दोलन गर्दै आएको छ। निरौला कांग्रेसले ऊ बेलैदेखि उठाएका एजेण्डा अहिले नेपाली कांग्रेसले बोक्न थालेको देखिन्छ ।
नेपाली काग्रेस शेरबहादुर समुहले सनातन हिन्दुराज्यको एजेन्डा आत्मसाथ गर्ने कुराको निर्णय गर्नु श्वागतयोग्य भएको भन्दै निरौलाले त्यसको तारिफ गरेका छन्।
संघियताको खारेज गरौ र नागरिक सर्बोच्चता भएको समाबेशी प्रजातन्त्र स्थापना गरेर राजनीतिक स्थायित्व मजवुत बनाउने सवालमा एकाकार हुन निरौलाले आग्रह गरेका छन् ।
